Reykjavík Makeup School

Reykjavík Makeup School er elsti og stærsti förðunarskóli landsins, stofnaður árið 2013. Frá stofnun hafa yfir 1.000 nemendur útskrifast frá skólanum og hefur Reykjavík Makeup School fest sig í sessi sem leiðandi skóli í menntun förðunarfræðinga á Íslandi.

Eigendur skólans eru Heiður Ósk Eggertsdóttir og Ingunn Sigurðardóttir, förðunarfræðingar, viðskiptafræðingar og stofnendur íslenska snyrtivörumerkisins Chilli in June. Þær hafa áralanga reynslu úr förðunar- og snyrtivörubransanum ásamt reynslu af vöruþróun, efnissköpun og fyrirtækjarekstri.

Við Reykjavík Makeup School leggjum við áherslu á fagmennsku, metnað, sköpun og persónulega kennslu. Kennarateymi skólans samanstendur af starfandi fagfólki með fjölbreytta reynslu úr ólíkum greinum förðunarheimsins, meðal annars tísku og editorial, sjónvarpi og kvikmyndum, brúðarförðun, draglist, samfélagsmiðlum og snyrtivörubransanum.

Námið byggir á sterkum tæknilegum grunni en þróast jafnframt í takt við förðunarbransann hverju sinni. Nemendur læra klassískar aðferðir og undirstöðuatriði fagsins ásamt nýrri tækni, straumum og vinnubrögðum sem nýtast í raunverulegu starfsumhverfi förðunarfræðingsins.

Mikil áhersla er lögð á verklega þjálfun og fá nemendur reglulega tækifæri til að æfa ólíkar tegundir förðunar og vinna að verkefnum sem endurspegla fjölbreytileika fagsins. Námið undirbýr nemendur meðal annars fyrir beauty- og tækifærisförðun, brúðarförðun, tísku og editorial, myndatökur, auglýsingar og önnur verkefni innan förðunarbransans.

Markmið okkar er að nemendur útskrifist með sterkan faglegan grunn, sjálfstraust í eigin vinnubrögðum og reynslu sem nýtist þeim frá fyrsta degi í starfi. Við viljum jafnframt skapa umhverfi þar sem hver nemandi fær tækifæri til að þróa sinn eigin stíl og finna hvaða leið innan bransans hentar honum best.

Reykjavík Makeup School býður einnig upp á styttri námskeið fyrir einstaklinga sem vilja efla eigin færni í förðun, læra betur á sitt eigið andlit og öðlast meira öryggi í vali og notkun snyrtivara.