Makeup fyrir byrjendur er námskeið fyrir alla aldurshópa. Námskeiðið stendur yfir í þrjár klukkustundir er hugsað fyrir þá sem vilja taka sín fyrstu skref í förðun. Farið verður yfir grunnkennslu í förðun ásamt því að kenndar verða góðar aðferðir til þess að hylja bólur. Farið verður yfir húðumhirðu, litaleiðréttingar, húðgerðir-og áferðir og hvernig skal koma fram við húðina þegar hún er viðkvæm. Sýnikennsla verður á léttri förðun með áherslu á litaójöfnuði og áferð húðarinnar.

Guðný og Vigdís eru útskrifaðir förðunarfræðingar frá Reykjavík Makeup School og hafa brennandi áhuga á förðun og því sem fylgir henni. Þær ætla að kenna förðunarnámskeið sem er tilvalið fyrir byrjendur og þá sem eru að stíga sín fyrstu skref í förðun. Farið verður yfir öll helstu grunntökin og hvernig best er að raða förðunarvörunum á húðina ásamt mismunandi aðferðum og tækni sem gott er að tileinka sér.